| ថ្ងៃទី 04 ខែមេសា ឆ្នាំ2012, ម៉ោង 02:50 PM ឈឹម ប៉ាវ  សម្ដេច អគ្គមហាសេនាបតីតេជោ ហ៊ុន សែន បានមាន ប្រសាសន៍ថា កិច្ចប្រជុំកំពូលអាស៊ាន នៅ ឆ្នាំ ២០១២ នេះ ដែលកម្ពុជាធ្វើជាម្ចាស់ផ្ទះ គឺខុសប្លែក ពីកិច្ចប្រជុំកំពូលអាស៊ាន កាលពី ឆ្នាំ ២០០២ ដោយសារនៅឆ្នាំនេះ មានអគារ វិមានសន្ដិភាពធំទូលាយខ្ពស់ស្កឹមស្កៃ និងអ្នកកាសែតជាច្រើននាក់ ហើយនៅខែវិច្ឆិកាខាងមុខនេះ នឹងមានប្រទេសធំៗចំនួន ៨ទៀត ចូលរួមកិច្ចប្រជុំអាស៊ានបូក ដែលនៅពេលនោះ កម្ពុជា គ្រោងនឹងបោះតង់បន្ថែមទៀត ដើម្បីបង្កភាពងាយស្រួលបន្ថែមទៀត។ កម្ពុជាក្រមែន ប៉ុន្ដែ កម្ពុជាមានចិត្ដ ។ក្នុងនាមជាប្រធាន អាស៊ាន លើកទី២០ កម្ពុជាបានជ្រើសរើសប្រធានបទ សហគមន៍តែមួយ វាសនាតែមួយ ដោយបង្ហាញពីការប្ដេជ្ញាចិត្ដដោយឈរលើកិច្ចសហប្រតិបត្ដិការ និងឈរលើគោលការណ៍មួយដ៏ច្បាស់លាស់ ហើយចង់កសាងសហគមន៍អាស៊ាន ឱ្យបានសម្រេចនៅឆ្នាំ ២០១៥ ។ ទាក់ទិនដល់បញ្ហាគ្រឿងញៀន សម្ដេចមានប្រសាសន៍ទៀតថា នៅក្នុងកិច្ចពិភាក្សា មេដឹកនាំអាស៊ានទាំងអស់បានអនុម័តលើសេចក្ដីថ្លែងកា រណ៍គ្មានគ្រឿងញៀននៅឆ្នាំ២០១៥ ។ ទោះបីយ៉ាងក៏ដោយ សម្ដេចបានបញ្ជាក់ថា អាស៊ានកំពុងតែប្រឈមនឹងបញ្ហាធំៗជាច្រើន ដើម្បីឆ្ពោះឱ្យ អាស៊ានសម្រេចបានជាសហគមន៍តែមួយនៅឆ្នាំ ២០១៥នោះ ។ ក្នុងនាមជាម្ចាស់ផ្ទះនៃជំនួបកំពូលនេះសម្តេចបានឲ្យដឹងថា ក្នុងអំឡុងកិច្ចប្រជុំ មេដឹកនាំអាស៊ាន បានផ្ដោត សំខាន់ លើបញ្ហាជាច្រើន ក្នុងនោះផ្ដោតលើវិធានការការពារសិទ្ធិពលករ បង្កើនកិច្ចសហប្រតិបត្ដិការ ផ្នែកសេដ្ឋកិច្ច និងពាណិជ្ជកម្ម រវាងសមាជិកក្នុងតំបន់ កិច្ចសហប្រតិបត្ដិការលើដែនសមុទ្រ និង ការសម្រេចមិនឱ្យមាន អាវុធនុយក្លេអ៊ែរ ហើយយើងបានបន្ដកិច្ច សហប្រតិបត្ដិការប្រឹងប្រែង ដោយសន្ដិវិធី លើបញ្ហាអាវុធនុយក្លេអ៊ែរ នៅកូរ៉េខាងជើង និងជំរុញឱ្យជំនួប ៦ភាគី ។ ដោយឡែកចំពោះបញ្ហាមីយ៉ាន់ម៉ាវិញ សម្ដេចបានមានប្រសាសន៍ ថា មេដឹកនាំ អាស៊ាន បានចាត់ទុកការបោះឆ្នោត នៅមីយ៉ាន់ម៉ា បានប្រព្រឹត្ដទៅដោយសេរី តម្លាភាព និងយុត្ដិធម៌ ហើយអំពាវនាវឱ្យប្រទេសទាំងឡាយណា ដែលបានដាក់ទណ្ឌកម្មសេដ្ឋកិច្ចលើប្រទេសនេះ ត្រូវដកចេញ ។ នាយករដ្ឋមន្ដ្រីម៉ាឡេ ស៊ី នឹងលើកឡើង ឱ្យមានការដកទណ្ឌកម្ម សេដ្ឋកិច្ច ក្នុងអំឡុងដំណើរទស្សនកិច្ច របស់ នាយករដ្ឋមន្ដ្រី អង់គ្លេស នាពេលឆាប់ៗ នេះទៅកាន់ប្រទេសម៉ាឡេស៊ីផងដែរ ។ ចំពោះបញ្ហាជម្លោះសមុទ្រចិនខាងត្បូងវិញ សម្តេចបានបញ្ជាក់ថា យើងបានពិភាក្សាពីបញ្ហានេះ ហើយ បានចេញសេចក្ដីថ្លែងការណ៍រួមមួយ ដើម្បីស្វែងរកការសម្របសម្រួល ឈានទៅដល់ការចេញ COC ។ - សម្ដេចបន្ថែមថា មុនកិច្ចប្រជុំកំពូលអាស៊ាន មានអ្នកវិភាគជាច្រើននិយាយថា អាស៊ាន និងចិន បានរៀបចំអាវុធយុទ្ធភ័ណ្ឌ ដើម្បីប្រយុទ្ធគ្នា គឺសុទ្ធតែជាការយល់ច្រឡំ ពោលមេដឹកនាំអាស៊ាន-ចិន បានត្រៀមយុទ្ធសាស្ដ្រ កិច្ចសហប្រតិបត្ដិការ ក្នុងវិស័យសេដ្ឋកិច្ច ។ វឌ្ឍនភាពរបស់ចិន បាននាំមកនូវការរីកចម្រើន នៅក្នុងបណ្ដា ប្រទេសជាសមាជិក ។ សម្ដេចក៏បានលើកសរសើរ និងវាយតម្លៃខ្ពស់ពី ការខិតខំប្រឹងប្រែងរបស់មន្រ្តីគ្រប់ជាន់ថ្នាក់ដែលបានជួយរៀបចំ កិច្ចប្រជុំកំពូលអាស៊ាន ទទួលបានជោគជ័យ។សម្ដេចក៏បានសរសើ រចំពោះប្រព័ន្ធផ្សព្វផ្សាយនានាផងដែរ ៕ |
0 comments